annað fráfall..?

Tölvan mín dó daginn eftir að skilaði síðustu ritgerðinni minni í skólanum, hvílík tillitsemi segi ég nú bara. Þessa dagana slæst ég við manninn minn um vinnutölvuna hans svo ég geti nú tékkað á fésbókinni og póstinum. Eiginlega er ég að gera mér grein fyrir því þvílíkt tölvunörd ég er að verða, þá meina ég ekki á vitrænan hátt heldur á afþreyjingarhátt  .  Ég hleyp á móti eiginmanninum áköf á svipinn þegar hann kemur heim, hann breiðir út faðminn með tilhlökkunarsvip, já loksins fær hann þær móttökur sem hann hefur dreymt um síðan við kynntumst, að ástkonan stökkvi upp í fang hans með kossi og hrifningu, loksins!  En þegar ég nálgast hann tek ég snaggaralega dýfu og hrifsa af honum tölvutöskuna og andvarpa með fjarrænu augnráði og sælubros á vör, velkominn heim elskan!

Svona getur jólatölvufríið farið með mann.....

Annars gengur jólaundirbúningur vel, búin að baka piparkökur, búin að senda jólakortin og næstum búin með pakkana, settum upp jólatréð í gær, geðveikt!! Og við krakkarnir pökkuðum eitthvað inn í dag og settum undir tréð.

adios...

Athugasemdir

[Kristborg Ingibergsdóttir, 17.12.2008 kl. 00:46]

Hva????? er Aðalsteinn ekki búin að gefa þér nýja tölvu  dóni er hann

Hlakka til að koma og sjá jólatréð ykkar