Valdasjúkur!!

þá er skólinn byrjaður aftur með pomp og prakt, þúsund verkefni framundan. Vona bara að ég lendi ekki inn á geðdeild fyrir jólin! Þetta er svo mikið púsluspil að bóka hitting með öllum þessum lærdómshópum. Betra ef þetta væru bara einstaklingsverkefni. jæja það þýðir nú lítið að væla, spýta bara í lófana og kýla á þetta, einn dag í einu!

Annars var elskulegi eiginmaðurinn minn með alveg dásamlegan mat í gær, Kalkúnn og svoleiðis.....mmmmmmm smá jólaprufaJón vinur okkar sat yfir þessum kræsingum með okkur og var að sjálfsögðu verið að ræða þjóðfélagsmálin. Davíð Oddsson barst til tals og segi ég eitthvað á þá leið að hann Davíð sé nú valdasjúkur andsk.... þá gellur í Unu litlu "hver er Davíð"?  ég reyni að útskýra það fyrir henni og hún horfir hugsi á mig og spyr svo "af hverju er Davíð sjúkur í Valda bróðir minn?" Þau eru svo yndisleg þessi börn!!

Djöf....var ég fúl Þegar ég kom út í morgun og ætlaði að opna litla sæta bílinn minn. Hurðin sat föst og sá ég þá að það var búið að keyra á brettið og hurðina. ég komst ekki inn og þurfti að skríða farþegameginn inn og yfir í sætið mitt Svo var enginn miði eða neitt! Þessir nágrannar eru undir vökulu auga núna skal ég segja ykkur. Maður hefur nú ekki efni á þessu akkúrat núna. Þetta er svo fúlt því það skiptir engu fyrir náungan ef hann er tryggður að láta vita.  

tja.. læt í mér heyra elskurnar 

 

Athugasemdir

[Kristborg Ingibergsdóttir, 10.11.2008 kl. 16:54]

Hún Una er algjör perla :o) Vonandi finnur þú sökudólginn sem keyrði á litla sæta bílinn þinn elskan. Þetta er óþolandi hvernig fólk getur verið.

[Íris Mjöll Valdimarsdóttir, 10.11.2008 kl. 17:37]

hæ frænka

svakalega leiðinlegt að heyra með bílinn þinn. Ótrúlegt hversu óheiðarlegt fólk getur verið ...alveg ömurlegt.

Annars veistu esskan að það er sko alltaf heitt a´könnunni í Árbakkanum og þið eruð sko alltaf meira en velkomin  í til mín.*Væri bara yndislegt að fá að sjá ykkur. Gefu svo öllum knús frá mér