jahérna

Langt síðan síðast ekki satt ...jæja í dag hef ég bara verið heima að dúlla mér (Valdi hálf slappur)...aðallega að slaka á því undafarnir dagar hafa verið aðeins of mikið fjör fyrir minn kropp. Í síðustu skutlferð í gær þá fékk ég gott gigtarkast og haltraði inn um dyrnar mínar og beint í sjóðandi bað. Mín ALVEG brjáluð yfir því að maðurinn skyldi voga sér að halda sinni áætlun og fara austur í dag á rjúpuskitterí og skilja mig eftir eina með börn og bú !!!  Ég meina það sko síðast þegar hann fór þá kom ekki ein fjöður með heim en karlinn ónýtur eftir allt ferska loftið og hreyfinguna...ja hérna !!

Þetta var náttúrulega bara gigtin að tala...ég er í alvörunni ekki svo fúllynd

Það er alltaf jafn skemmtilegt í vinnunni minni og annað kvöld fer vinnan  í diskókeilu, það verður ábyggilega skemmtilegt...og þar sem karlinn er farinn austur þá ætlar elsku Malen mín á efri hæðinni að passa fyrir mig....

Valdi var á hljómsveitaræfingu í gær sem gekk mjög vel og ótrúlega margir krakkar saman komnir. Á leiðinni út fengu allir einn mola af einhverju nammi sem minn tók náttúrulega við og viti menn þegar við vorum komin heim þá fer hann alveg í keng af kvölum...pottþétt annað hvort verið glúten eða mjólk í namminu eða bæði og minn drengur bara alveg að drepast  og svo kom hann heim úr skólanum í dag snemma með magakvalir...greyið mitt !!

 

síðasta færslan í bili..

þá er komið að því....þetta verður sennilega síðasta færslan í bili fram á haust.  Mamma og pabbi koma heim eftir nokkra daga svo ég held bara úti upplýsingum á facebook.  Í gær útskrifaðist ég úr Listaháskóla íslands sem "atvinnulaus" listmenntakennari og var þetta fríður og föngulegur hópur á ferð. Þetta ár er búið að vera strangt ferðalag og held ég að ég hafi nú grætt einna mest á þessu ári frekar en aðrir. Buin að vera innan veggja heimilisins í um 10 ár og orðin nett félagsfælin...nei það vil ég nú ekki aftur, ég held skólinn hafi verið félagsleg björgun fyrir mig persónulega og tala nú ekki um örvunina sem ég hef fengið...farin að skapa á ný!! Bara það er einna mikilvægast fyrir mig að hafa fundið sköpunarþörfina aftur...heir heir!

Framundan er skemmtilegur tími í óvissu, þroska, heilsustýringu og námundun við börnin mín og svo ég tali nú ekki um að eyða tíma með mömmu og pabba  .  Ég hafði nú tekið stefnuna á frekara nám í haust en þar sem skólinn minn getur ekki garanterað áframhaldið í masterinn þá verður maður að kíkja í kringum sig og halda möguleikum opnum.

Til marks um þá breytingu sem hefur orðið innra með mér þá fagna ég óvissutímum framundan og lít á það sem spennandi tíma og kannski kemur eitthvað skemmtileggt út úr því....

kveðja Linda

 

...og hún sagði "kom inn!"

Una steig sín fyrstu skref í leikhúsinu í dag...eða í hlíðaskóla þar sem ein leiksýning á ári er hjá hverjum bekk og árgangi. Mjög metnaðarfullt starf hjá tónlistarkennara, danskennara og bekkjarkennara ár eftir ár.  Una mín lék ömmuna og verð ég nú að segja að það hlutverk fannst mér henta henni frekar vel... ég meina þessi litli ráðskonurass sem bossast með strákana fram og til baka og huggar þá sem minna mega sín ... það er hún Una mín. Einn daginn verður hún verkalýðsforingi  .  Hún var svo spennt fyrir þessum degi að hún átti erfitt með að sofna í gærkveldi...endalaust að kalla og spjalla. Þegar hún fór svo að sofa í kvöld þá þurfti hún endilega að syngja ÖLL LÖGIN úr leikritinu...

Vorum hjá hómópata í dag og það sem kom nú ekki á óvart er að stelpan er með óþol fyrir mjólk eins og restin af fjölskyldunni...nú dæsir maðurinn minn . Sér sennilega eftir því að hafa kynnst þessu gallatóli-mér. Aðalsteinn sem elskar sykur, hveiti, mjólk o.fl. neyðist til að beygja sig í duftið fyrir meirihlutanum.  Nú tekur við tími hjá dömunni að aðlagast soja mjólkinni og neita sér um ýmsa góða kosti og ég skal segja ykkur það, að það verður erfitt fyrir hana því hún eeelskar gúmmilaði!! En heppni þó hve mikið hefur breyst á heimilinu vegna Valda þannig að þetta er ekki nýtt fyrir henni. Núna verðum við svona vandræða fjölskyldan sem má ekki neitt ....hahahhah...

Ég fór í göngu í morgun með mínum heitt elskaða, út á Kjarvalsstaði,  rétt náði í restina af útskriftarsýningu Listaháskólans. Fórum svo áfram leiðina að Hlemmi og við vorum hálfnuð þegar kroppalingurinn minn fór að öskra á mig , svo við stoppuðum hjá Tryggingastofnun ríkisins þar sem vinur okkar er kokkur í mötuneytinu þar og fengum kaffi og te. Algjör björgun!!! Hvíldi mig tæpan hálftíma og þá héldum við heim á leið með nokkrum stoppum. Svo er bara að endurtaka leikinn á morgun en styttri leið takk fyrir!!

Nú ætla ég að fókusa algjörlega á kroppinn minn í sumar og reyna að koma honum í eitthvert stand, Alla vega þannig að ég geti farið í góðar gönguferðir-jafnvel endað á fjallgöngu. Og viti menn, mín er farin að fikta við að mála svo aldrei að vita nema það komi eitthvað af viti þar eftir sumarið.

jæja mamma og pabbi að koma heim eftir mánuð og þá sennilega leggjast skriftir niður í bili...jamm svo er nú það- kveð í bili bæææææ

 

 

oh..hvað það er bjart og yndislegt úti

ótrúlegt hvað veður hefur mikil áhrif á íslendinga.  Í dag er bjart og fallegt og svo mikið sumar í loftinu að lundin léttist um heilan helling og einhvern vegin finnst manni allir vegir vera manni færir. Mann langar að fara út og hjóla, labba, hreyfa sig. Ekkert skrítið að fólk skuli leggjast í híði yfir vetrartímann og safna spiki. Kannski er komin skýringin á fitulagi íslendinga, meiri sól, minni vetur og þá væru allir úti á hjólunum sínum að hreyfa sig í staðin að hoppa upp í bíl og keyra hundrað metrana sína.

Var hjá hómópata í morgun og staðfesti hún grun minn um fæðuóþolin mín sem ég hef verið að halda fram og fundið undanfarið. Mjólkuróþol eins og Valdi, þoli ekki  kaffi, áfengi, hveiti, rúg,  sykur,  ger, cashew hnetur en ekki með glútenóþol eins og Valdi.  Ég hef nefnilega haldið mig við sama mat og Valdi síðan hann greindist með sín ofnæmi og fundið það svo sterkt hvað það hefur gert manni gott. Fundið það svo greinilega þegar ég borða eitthvað af ofangreindu hve illa mér líður. Nú hveiti er í öllu og mjólkin í ansi mörgu svo stundum lendir maður í aðstæðum sem ég hef kannski ekki svo mikið val og þá finnur maður það svo vel hvað það skiptir miklu máli að borð rétt fyrir sjálfan sig og óþolandi hvað búið er að troða hveiti í allt....arg....

leiðinlega....Linda... talandi um heilsuna og þess háttar. Ég er svo á síðustu metrunum núna í skólanum aðeins eftir að klára eitt verkefni og fara í eitt próf. Býst við að allt klárist 8 mai. þá er bara að bíða eftir útskriftinni sem verður 30. mai....jeij!  spurning hvort mann splæsi ekki á sig      "út að borða" á næstu grösum eða eitthvað því um líkt..jamm!!

já ég var næstum búin að gleyma en ég er að sækja um í mastersnámið núna fyrir 30. april vonadi að það gangi upp.

kv. Linda

styttist í lok...

jæja núna fer maður að sjá fyrir endann á þessu diplóma námi....úff! mikið verður maður glaður þegar þettta er búið. síðasti kennsludagur er 8 mai og síðustu verkefnaskil um 15 mai. Svo bara útskrifast ég að ég held 30. mai  þá er ég orðinn kennari...hahahaha...ótrúlegt ekki satt!

Páskarnir voru mjög ljúfir og rólegir eins og okkur í mávahlíðinni er að vanda, við erum ekki mikið fyrir lætin.....nú hnussa kallinn minn "talaðu fyrir sjálfan þig" því hann greyið elskar að vera á ferðinni og veit ekkert betra en að sitja í bíl og keyra...og keyra...keyra....já við erum frekar ólík við hjónin.  Ég er aldrei eins ánægð og þegar ég er með náttborðsskúffuna mína fulla af bókum til aflestrar eða að horfa á sjónvarpið í náttfötunum upp í sófa með sængina mína og koddann minn...dáaaaásamlegt líf!  Aðalsteinn hins vegar þrífst á því að hafa mörg járn í eldinum og líður helst best ef hann þarf að redda einhverju/leysa vandamál fljótt og vel undir mikilli pressu. Ég meina sko....ég myndi sennilega detta í enn hægari gír og heilinn í mér frís við svona aðstæður ég sé bara hvítt óskrifað blað sem ég get ekki bullað neitt á...sennilega skylt því að geta aldrei sagt neitt sniðugt þegar á þarf að halda heldur sit í bílnum á leiðinni heim með öll flottu commentin rjúkandi úr munninum á mér hált tíma of seint...bahh! hvernig förum við hjónin þá að því að vera sátt ??? 

framhald í næstu færslu...híhíhí...

jæja þessi mánuður er ágætis afmælismánuður Sandran litla hans ´tóta bró á afmæli á morgun og Tóti sjálfur þann 21. apríl, Gummi frændi svo þar á eftir og pabbi minn síðastur ....jebb það er fjör!

lov jú og sí jú

 

páskafrí...

jamm maður er bara kominn í páskafrí eins og hinir krakkarnir, tölvan mín komin heim í hús en ekki alveg tilbúin fyrir vinnu..hún er svo sjálfstæð...heimtar bara meiri strokur og gælur.. ja hérna!! Elskulega mágkonan mín er komin heim í páskafrí frá danmörkinni svo ég hlakka til að hitta hana og litlu Söndru ýr. Skilst það verði bara risa ammælis/heimkomu partý á skírdag svo allir hittist nú.

Vegna þess að tölvan mín er ekki í gírnum þá ramba ég um húsið og þykist vera dugleg húsmóðir...það er svo langt síðan að ég man þetta varla lengur...datt loksins niður á brauðuppskrift sem er að slá í gegn hjá Valda og þvæ endalausa þvotta.  Er svo með agalegt samviskubit yfir því að vera ekki að læra hehehehe....svona er þetta alltaf...ef ég er að læra þá er ég með samviskubitið yfir að vera ekki að sinna börnum og heimili!!!

Þetta er merkilegur mánuður því pabbi minn elskulegi verður 70 ára...ég hlakka svo til að sjá framan í trínið á honum...mjög sætt krumpað tríni...sem kemur til landsins í júni.

við erum búin að vera að mála inni hjá Valda og tókst það vel, tókum líka ógeðslegu hurðina hans og lökkuðum, allt annað að sjá þar inn og svo að sjálfsögðu fylgja því alltaf húsgagnaflutningar og tilfæringar...verst að þetta kallar á meiri vinnu/eða mann langar að halda áfram og taka allt í gegn hjá sér.

jæja frekar gúrkuleg tíð núna...heyrumst og sjáumst

tölvumál...

það er eins og það séu álög á mér þessa dagana, tölvan mín nýja og fína hætti að vilja fara á netið. Algjör uppgjöf!  Stundum held ég að tölvan mín viti meir en hún á að gera ...ég meina kannski var ég búin að vera full mikið á fésinu...hmmm...alla vegana þá er ég búin að vera í  fráhvarfi og uppspennt yfir því að komast ekki í póstinn minn . Ég er alveg handviss um að öll mikilvægusru mál heimsins færu þar í gegn þegar ég sé ekki til, svo ég tali nú ekki um andlitsbókina...úff...alveg viss um að allir eru búnir að reyna ná á mér þar undanfarna daga!!! Já ekki gott að vera svona sambandslaus. Ég hef aldrei haft eins mikla þörf fyrir að hringja í mömmu á skybe-inu...það var svo bara mikið sem ég þurfti að segja henni....   Kannski er það öllum hollt að taka sér tíma frá rafmagnstækjunum  já segjum það bara!

Annars erum við búin að vera húsleg í dag og reyna að eltast við rykhnoðra út um allt með ryksugunni, gera pínu vistlegra inni hjá Unu þó það sé varla hægt með vegginn svona opin og ljótann og jafnvel bakað! já það var ein hveitilaus og mjólkurlaus súkkulaði kaka sem fór í ofninn og voru henni gerð góð skil eftir á....mmmmm...þveginn þvottur og svo leiðis.

Una mín neitar að fara úr náttfötunum í dag segist ætlar að vera inni og eiga kósídag...gott hjá henni!

jæja sí jú....

ræktin óje!

Ég var í ræktinni í gær og náttúrlega mjög ánægð með mig að vera svona dugleg að mæta...ég byrjaði rosa flott á hlaupabrettinu í spandex-gallanum minum og búin að reyra saman mjaðmirnar með röndótta mjaðmabeltinu (ótrúlega smart). byrjaði að labba rólega og bætti svo smá í og eftir svona 5 mín. labb þá gaf ég aðeins í og rann í hlaupagírinn og...þarna flaug ég um eins og fuglinn frjáls...ekkert gat stoppað mig...áfram Linda!....já já!  ....æææ nei þetta er ekki að gerast! Fæ ég ekki einhvern verk í nárann maður og byrja að haltra á brettinu...oh! ekki smart...fuglinn fljúgandi hrapaði með andlitið í gólfið. Jæja það var um að gera að láta ekki bugast svo frúin fór á hjólið og reyndi þar áfram en ekki gekk það nú vel. Okey sleppi bara brennslunni í dag og fer beint í tækin og tek bara vel á því .... þetta gekk mun betur...næsta tæki!...ókey ekki smart að hoppa á einum fæti milli tækja en lét mig nú samt hafa það í tvö önnur. þá eiginlega játaði ég mig sigraða og skellti mér á gólfið og gerði magaæfingar og teygjur og haltraði/hoppaði svo út í bíl, heim og oní sjóðheitt bað.

gengur bara betur næst.. 

ó ég er svo .....

Ég er svo mikið spennt núna... var að koma af fyrirlestri upp í skóla sem bandaríski kennarinn minn var að halda um listir og listkennslu. Fyrirlesturinn var ágætur en það sem stóð upp úr var að hún notaði verkið mitt sem sýnishorn í þessu fyrirlestri. Ég bjó til hluta af stofunni minni ofan í pappakassa og setti sjálfan mig þar inn líka og nokkra texta með sem áttu að lýsa þessu verki. Ég var ánægð með verkið en sjálfstraustspúkinn er alltaf á herðum manns og fannst mér því verið mitt ekki komast nálægt verkum samnemenda minna...tíbískt.  HA! ég ætti kannski að hafa meiri trú á sjálfri mér....

Annars hefur allt gengið sinn vanagang hér í mávahlíinni, krakkarnir í skólanum og ég líka. Fékk Tóta bróðir í mat í gær..saltfisk mmmmm... ekki af verri endanum. Alltaf svo gott að fá systkynin sín heim það er alltaf þessi sérstaka tenging sem maður á við engann annan...svo er hann bróðir minn svo skemmtilegur og góðu maður   Vildi óska að við öll systkynin ættum fleiri stundir saman.

jæja bless í bili

já lekinn...

jæja það er lekinn...menn frá tryggingunum hafa komið og mælt rakann í horninu hennar Unu og það er 90% raki..hvað svo sem það þýðir..eigum að láta steypuna þorna næstu 2 vikur í viðbót og þá kemur gaurinn aftur og mælir. Það er nefnilega ekki vitað almennilega hvaðan þessi leki kemur. Er hann frá íbúðinni að ofan eða utan frá. það hefur verið að leka frá baðherberginu uppi og þá inn um sprungur í svefnherbergisloftinu mínu en gaurnum leist ekki á sem svo að það gæti leki svo í hina áttina inn til Unu og í horn sem er fjærst.  Ef lekinn kemur að ofan þá væri sennilega eitthvað að í eldhúsinu hjá þeim uppi líka...ef þetta kemur að utan þá er sprunga í steypunni eða eitthvað svoleiðis og lekur á milli í plötunni...bah skilur þetta einhver!  það er alla vegana bara að bíða og sjá.

Valda mínum hefur farið aðeins aftur í líðan síðustu 2-3 daga en vonandi er það bara tilfallandi...ég held að ristillinn sé núna að trufla hann á fullu...hreinsa sig.

ég er alveg að finna mig í sköpuninni þessa dagana, finn gleðina í því sem er svo frábært, vildi ég hefði meiri tíma í það eingöngu...

bææææ